ТОШКЕНТ, 5 сен – Sputnik. Ўзбекистонлик 18 ёшли йўловчи Олмаота аэропортида ноўрин ҳазил қилди ва жаримага тортилди, деб хабар берди Қозоғистон транспорт полицияси департаменти.
Ҳодиса 2 сентябрь куни содир бўлган. Халқаро парвозларни рўйхатдан ўтказиш пештахтасида бу йигит ҳазиллашиб, багажида атом бомбаси борлигини айтган.
"Чет эл фуқароси майда безорилик учун жавобгарликка тортилди ва унга 20 АЕК (ойлик ҳисобланган кўрсаткичлар), яъни 78 640 тенге миқдорида жарима солинди", - дейилади полиция хабарида.