ТОШКЕНТ, 31 авг – Sputnik. Америка ҳукумати ҳозир Европа Иттифоқи етакчилари бажариб бўлмайдиган талабларни қўйиб, Украинадаги можарони чўзаётганини кўрмоқда. Бу ҳақда Россия президентининг хорижий мамлакатлар билан инвестиция-иқтисодий ҳамкорлик бўйича махсус вакили Кирилл Дмитриев шундай фикрда.
“Ҳатто Вашингтон буни энди кўрмоқда – ЕИ етакчилари ўзларининг бажариб бўлмайдиган талаблари билан можарони чўзмоқда. ЕИ ҳақиқий тинчлик жараёнини барбод қилишни бас қилиши шарт. ЕИ Байденнинг муваффақиятсиз мантиғига эргашишни бас қилиши шарт”, - дея ёзди у ўзининг Х ижтимоий тармоғидаги саҳифасида.
Дмитриев таъкидлашича, ёлғон нарративларни эмас, балки дипломатияни танлаши шарт. У уруш оловини ёқувчилар фош этилганини қўшимча қилган.
Аввалроқ “Axios” нашри АҚШ маъмурияти ходимлари қатор Европа етакчилари Украинадаги можарони ҳал қилиш саъй-ҳаракатларига яширинча тўсқинлик қилаётганда гумон қилаётганини ёзганди. Таъкидланишича. Айрим Европа етакчилари АҚШ президенти Дональд Трампнинг Украинадаги можарони тугатиш бўйича ҳаракатларини омма олдида қўллаб-қувватлайди, шу билан бирга яширинча тинчликка оид жараёнларни йўққа чиқаришга уринишади.