ТОШКЕНТ, 29 авг – Sputnik. Россия Украинадаги можарони тартибга солиш бўйича ўзининг барча позицияларини Киевга етказди. Бу ҳақда Россия президенти матбуот котиби Дмитрий Песков маълум қилди.
“Биз ўз манфаатдорлигимиз ва бундай музокараларга тайёрлигимизни сақлаб қоляпмиз, барча позицияларимиз етказилган, тегишли лойиҳалар, асосий низомлар ёзма шаклда Украина томонига берилган”, - деди Кремль вакили РИА Новости саволига жавоб бераётиб.
Шунингдек, Песков Путин Зеленский билан учрашиш имкониятини истисно этмаётганини таъкидлади. Аммо олий даражадаги ҳар қандай учрашувга яхши тайёргарлик кўрилган бўлиши шарт.
Россия президенти матбуот котибининг қўшимча қилишича, ҳозирча экспертлар даражасида ишлар қайнаяпти деб бўлмайди.