ТОШКЕНТ, 26 авг — Sputnik. Иордания подшоҳи Абдулла II ибн ал-Ҳусайннинг давлат ташрифи чоғида Ўзбекистон президенти Шавкат Мирзиёевни “Ан-Наҳда” ордени билан тақдирлади, дея хабар бермоқда президент матбуот хизмати.
Президент бу мукофотни кўп қиррали ҳамкорликни ривожлантиришдаги умумий саъй-ҳаракатлар ва Ўзбекистонда амалга оширилаётган “Учинчи Ренессанс” асосларини яратишда ўзбек халқига бўлган ҳурмат сифатида қабул қилишлигини таъкидлади.
Иордания подшоҳи билан музокаралар натижасида икки мамлакат ўртасидаги сиёсий, савдо-иқтисодий, инвестицион, транспорт ҳамда маданий-гуманитар соҳалардаги ҳамкорлик кенгайтирилишига келишиб олинди.
Тадбир якунида президент яна бир бор подшоҳга мукофот учун чуқур миннатдорлик изҳор этиб, Иордания халқига тинчлик ва фаровонлик тилашини изҳор этди.