ТОШКЕНТ, 21 авг – Sputnik. “Ташаббусли бюджет” жараёнларида сўнги икки мавсумда кетма кет ғолиб бўлган 823 та маҳаллага жорий йилги мавсумида "танаффус" берилганлиги эълон қилинган, лекин ушбу маҳаллалар овоз бериш мавсумида тўлик иштирок этиши мумкин. Бу ҳақда Ўзбекистон Иқтисодиёт ва молия вазирлиги матбуот хизмати эслатиб ўтди.
"Ушбу 823 та маҳаллалар фақатгина таклиф кирита олмаслигини эслатиб ўтган ҳолда 2025-йилги 2-мавсумида овоз бериш босқичида тўлиқ иштирок этиши мумкинлигини маълум қиламиз", - дейилган вазирлик хабарида.
Бунга кўра, ушбу маҳалла аҳолиси ўзларига яқин ёки қўшни маҳаллаларга овоз тўплашда кўмаклашишлари мумкин.
2-мавсум ғолиблари 1 сентябрь — Мустақиллик байрами куни эълон қилинади.