ТОШКЕНТ, 19 авг — Sputnik. Ўзбекистонда 2025 йил январь–июль ойларида 47796 та кичик тадбиркорлик субъекти ташкил этилди. Бу рақам фермер ва деҳқон хўжаликларини ҳисобга олмаган ҳолда келтирилган. Бу ҳақда Миллий статистика қўмитаси хабар берди.
Уларнинг сони иқтисодий фаолият турлари бўйича қуйидагича:
Савдо соҳасида -17587;
Қишлоқ, ўрмон ва балиқчилик хўжалиги соҳасида -6183;
Саноат соҳасида -6189;
Яшаш ва овқатланиш бўйича хизматлар соҳасида - 4234;
Қурилиш соҳасида - 2680;
Ахборот ва алоқа соҳасида - 1763;
Ташиш ва сақлаш соҳасида -1512;
Соғлиқни сақлаш ва ижтимоий хизмат кўрсатиш соҳасида -989;
Бошқа соҳаларда - 6659.
Эслатиб ўтамиз, Миллий статистика қўмитаси олдин берган маълумотига кўра, 2024 йил январь–декабрь ойларида республикада 79,7 мингта янги корхона ва ташкилот ташкил этилган.