Ўзбекистонда кичик бизнес йил бошидан бери қандай ривожланмоқда?

Oбуна бўлиш
Ўзбекистон Миллий статистика қўмитаси маълумотларига кўра, 2025 йилнинг дастлабки икки ойида энг кўп кичик корхоналар Тошкент шаҳрида ташкил этилган. Уларнинг сони 3 039 нафарни ташкил этади.
Иккинчи ва учинчи ўринларда Тошкент ва Хоразм вилоятлари жой олган. Кичик корхоналар энг кам очилган вилоят эса Сирдарё вилояти бўлган.
Шу даврда республика бўйича жами 12 732 кичик бизнес субъекти рўйхатга олинган.
Ўтган йилнинг август ойида Нукус шаҳрида президент Шавкат Мирзиёев ва тадбиркорлар ўртасида бўлиб ўтган очиқ мулоқотда соҳада бешта йўналиш бўйича янги ташаббуслар эълон қилинган эди. Булар:
кичик ва ўрта бизнес учун молиявий ресурсларни кўпайтириш;
корхоналарни инфратузилма, ер ва энергия билан таъминлаш;
ички бозорда тенг рақобат муҳитини яратиш ва ташқи бозорларга чиқиш имкониятларини кенгайтириш;
хизмат кўрсатиш соҳасида янги импульс;
бизнес учун тўсиқларни янада қисқартириш.
Шунингдек, февраль ойида президент Шавкат Мирзиёев ёшлар билан учрашувда ёшлар тадбиркорлигини қўллаб-қувватлашга қаратилган учта асосий ҳужжат имзоланганини маълум қилган эди.
Йил бошидан буён кичик корхоналар сони ҳудудлар кесимида қандай ўсгани ҳақида Sputnik Ўзбекистон инфографикасида кўринг.
Янгиликлар лентаси
0