ТОШКЕНТ, 3 авг – Sputnik. Ўзбекистонлик волейболчилар Японияни мағлуб этди. Бу ҳақда Миллий олимпия қўмитаси хабар берди.
Тошкентда ташкил этилаётган волейбол бўйича U19 ёш тоифасидаги жаҳон чемпионати ҳал қилувчи босқичга кирмоқда.
Кеча Ўзбекистон терма жамоаси Япония билан баҳс олиб борди ва 3:1 ҳисобида ғалаба қозонди.
Ўзбекистон вакиллари 13-ўрин учун беллашувда бугун покистонлик тенгқурларига қарши қарши майдонга чиқишади.
Ўзбекистон 3 – 1 Япония
(14:25, 25:21, 25:21, 25:14).