ТОШКЕНТ, 31 июл – Sputnik. "Жануб" қўшинлар гуруҳининг Краматорск-Дружковск йўналишидаги ҳужум ҳаракатлари натижасида Донецк Халқ Республикаси ҳудудида жойлашган Часов Яр шаҳри озод қилинди. Бу ҳақда Россия Мудофаа вазирлиги матбуот хизмати хабар берди.
Чақирув белгиси “Тэпа” бўлган разведка бошлиғининг сўзларига кўра, ҳозирда дрон операторлари ўрмон зоналарида Украина қуролланган гуруҳлар қолдиқларини аниқлашда давом этмоқда. Уларни йўқ қилиш учун FPV дронлари ва артиллерия зарбалари фаол қўлланилмоқда.
Россия қўшинларининг Часов Ярга юриши 2024 йил баҳорининг охирида бошланган. Шаҳар муҳим оператив-стратегик аҳамиятга эга. У Артёмовск яқинида жойлашган ва Шимолий Донец-Донбасс канали билан у икки қисмга бўлинган. Бу Украина Қуролли кучлари назорати остида қолган ДХРдаги энг йирик агломерация – Славянск-Краматорск, шунингдек, Константиновкага йўл очадиган ҳукмрон баландликдир.
Константиновка озод қилиниши кўп ойлардан бери ушбу ҳудудни ҳимоя қилаётган Украина гуруҳини таъминлаб келаётган Угледарга борадиган трассани улардан узишга имкон беради. Бу гуруҳни ён томондан айланиб ўтиб, шаҳарни қуршаб олишга ҳам йўл очади.