ТОШКЕНТ, 26 июл — Sputnik. “Шарқ” қўшинлари гуруҳи ДХРдаги Зелёний Гай ва Днепропетровск вилоятидаги Малиевка аҳоли пунктларини озод қилди, деб хабар берди Россия Мудофаа вазирлиги.
“Муваффақиятли ҳужум ҳаракатлари натижасида “Шарқ” қўшинлари гуруҳи бўлинмалари Донецк Халқ Республикасидаги Зелёний Гай ва Днепропетровск вилоятидаги Малиевка аҳоли пунктларини озод қилди”, — дейилади хабарда.
Жанг пайтида Украина тузилмалари йўқотишларга дуч келди ва орқага чекинишга мажбур бўлди.
Шунингдек, рус жангчилари Днепропетровск вилоятидаги Великомихайловка, Новогеоргиевка, ДХРдаги Искра ва Запорожье вилоятидаги Темировка туманларида душманнинг иккита механизациялашган бригадаси ва ҳудудий мудофаа бригадасини мағлуб этди.
Украина армияси фронтнинг ушбу қисмида 190 нафаргача ҳарбий, зирҳли жанговар машина, саккизта автомобиль, дала артиллерия қуролини йўқотди.