ТОШКЕНТ, 26 июл — Sputnik. Ўзбекистонлик дзюдочи Абдураҳим Нутфуллоев Улан-Батор “Катта дубулға” чемпионига айланди. Бу ҳақда Миллий олимпия қўмитаси матбуот хизмати хабар берди.
Кеча Мўғулистоннинг Улан-Батор шаҳрида дзюдо бўйича “Катта дубулға” мусобақаси старт олди. Унда иштирок этаётган Ўзбекистон терма жамоаси ҳисобига дастлабки куннинг ўзида олтин медаль ёзилди.
-66 кг вазн тоифасида қатнашган Абдураҳим Нутфуллоев барча рақибларини мағлуб этиб, мусобақа чемпионига айланди.
Нутфуллоев финал беллашувида Париж-2024 ёзги Олимпия ўйинлари совриндори, молдовалик Денис Виеруни мағлубиятга учратишни уддалади.
25-27 июль кунлари Мўғулистон пойтахтида дзюдо бўйича “Катта дубулға” туркумига кирувчи мусобақа бўлиб ўтмоқда.