ТОШКЕНТ, 25 июл – Sputnik. Ўзбекистон бош вазири Абдулла Арипов Олтойда бўлиб ўтаётган халқаро экологик конференция иштирокчиларини Ўзбекистонда экотуризмни ривожлантириш учун яратилган бутун мавсумий курортларга таклиф қилди.
Международной экологической конференции на Алтае
© РИА Новости / Дмитрий Астахов
“Биз бутун мавсумий курортларни яратиш бўйича лойиҳаларни фаол амалга оширмоқдамиз. Тоғ-чанғи курортларини ривожлантирмоқдамиз. Барчангизни Ўзбекистоннинг табиий ва маданий бойликларини табиат орқали кашф этишга таклиф қиламиз”, — деди Арипов конференцияда сўзлаган нутқи давомида.
Ўзбекистон бош вазири мамлакатда дам олишни табиатга ғамхўрлик билан уйғунлаштирган экотуризмни ривожлантиришга алоҳида эътибор қаратилаётганини таъкидлади.
Международной экологической конференции на Алтае
© РИА Новости / Дмитрий Астахов
“Ўзбекистон ноёб экотизимларга эга – чўл ва тоғлардан тортиб, ЮНEСКОнинг Бутунжаҳон мероси рўйхатига киритилган биосфера резерватларигача”, — дея қўшимча қилди Арипов.
У 2023 йилда Навоий вилоятидаги Сентоб қишлоғи Бутунжаҳон туризм ташкилоти томонидан энг яхши туризм қишлоғи, Самарқанд эса жаҳон маданий туризм пойтахти сифатида эътироф этилганини эслатди.
Халқаро экологик конференция Олтой республикасидаги “Манжерок” бутун мавсумий курорти ҳудудида 24-26 июль кунлари бўлиб ўтмоқда. Унда Арманистон, Беларусь, Қозоғистон, Қирғизистон, Тожикистон, Туркманистон ва Ўзбекистон ҳукумат делегациялари иштирок этмоқда.