ТОШКЕНТ, 21 июл – Sputnik. Россия ва Украина делегацияларининг музокаралари Истанбулда чоршанба-пайшанба, 23-24 июль куни бўлиб ўтиши мумкин. Бу ҳақда “İndependent türkce” нашри ўзининг манбаларига таянган ҳолда хабар бермоқда.
“Музокаралар чоршанба ёки пайшанба куни бўлиб ўтиши мумкин. Жой, вақт ва учрашувдаги делегациялар таркиби ҳақида ҳеч нарса хабар қилинмаяпти”, - дейилган хабарда.
Россия ва Украина икки марта бевосита музокаралар ўтказди. Улар 16 май ва 2 июнь куни Истанбулда бўлиб ўтди. Уларнинг якуни асирлар билан ўзаро алмашиш бўлди. Шунингдек, Москва Киевга минглаб ҳалок бўлган украин аскарларининг жасадларини топширди. Қолаверса, томонлар можарога барҳам бериш юзасидан меморандум лойиҳалари билан ўзаро алмашишди. Шу билан бирга музокараларнинг учинчи босқичи санаси ҳозирча белгиланмаган. Россия бир неча марта музокараларни давом эттиришга тайёрлигини билдирган.