Украина бўйича Россия меморандумининг тўлиқ матни эълон қилинди
© Sputnik / БелТА
/ Oбуна бўлиш
Россия ва Украина ўртасидаги музокараларнинг иккинчи раундидан сўнг Россия томони меморандумнинг тўлиқ матни эълон қилди.
ТОШКЕНТ, 3 июн — Sputnik. Украина бўйича Россия меморандумининг тўлиқ матни эълон қилинди. У уч бўлимдан иборат, деб ёзмоқда РИА Новости.
Душанба куни Истанбулда Россия ва Украина ўртасидаги музокараларнинг иккинчи раунди бўлиб ўтди. Учрашув Чироғон саройида бир соатдан кўпроқ давом этди.
Россия делегацияси раҳбари Владимир Мединский Истанбулда Украина вакиллари билан ўтказилган музокаралар натижалари ҳақида гапирди. Унинг сўзларига кўра, Россия келишув меморандуми лойиҳасини Украинага топширди.
"У икки қисмдан иборат бўлиб, батафсил ва пухта ишланган ҳужжатдир. Биринчи қисм ҳақиқий узоқ муддатли тинчликка эришиш масаласига бағишланган. Россия меморандумининг иккинчи қисми - ўт очишни тўлиқ тўхтатиш учун қадамлар - ўзгарувчанлик ва мақсадга эришишнинг бир нечта йўлларини назарда тутади", — деди Владимир Мединский.
Украина ҳужжатни ўрганиш учун олди, шундан сўнг у ўз жавобини Россияга топширади.
Музокаралар якунида Россия томони меморандумнинг тўлиқ матни эълон қилди.
Асосий қоидалар:
Қрим, ЛХР, ДХР, Запороже ва Херсон вилоятларининг Россия таркибига киришини халқаро-ҳуқуқий тан олиш;
Украинанинг бетарафлигини эълон қилиш, унинг ҳарбий иттифоқларга киришдан бош тортиши;
Украинада бошқа давлатларнинг ҳарбий фаолиятини тақиқлаш;
Украинанинг ядросиз мақоми;
УҚКнинг чекланган сонини белгилаш;
Россияга нисбатан жорий этилган иқтисодий санкцияларни бекор қилиш;
русийзабон аҳолининг ҳуқуқ ва эркинликларини таъминлаш, Украина православ черкови фаолиятига чекловларни олиб ташлаш, нацизмни қаҳрамонлаштиришни тақиқлаш;
Украина билан дипломатик ва иқтисодий муносабатларни босқичма-босқич тиклаш;
жанговар ҳаракатлардан кўрилган зарар муносабати билан даъволардан ўзаро воз кечиш;
оилаларни ва кўчирилган шахсларни бирлаштириш билан боғлиқ масалаларни ҳал этиш.
1-вариант:
Украина томонидан босиб олинган ДХР, ЛХР, Запороже ва Херсон вилоятларидаги Россия ҳудудларидан УҚКни олиб чиқиш.
2-вариант (пакетли):
УҚКни қайта жойлаштиришни тақиқлаш; сафарбарликни тўхтатиш ва демобилизацияни бошлаш;
учинчи мамлакатларнинг ҳарбий иштирокини истисно этиш;
Киевга хорижий ҳарбий ёрдамни тўхтатиш;
Киевнинг Россияга қарши диверсиялардан воз кечиши;
сиёсий асирларниўзаро амниция қилиш ва ушлаб турилган фуқароларни озод қилиш;
Украинада ҳарбий ҳолатнинг бекор қилиниши;
Украинадаги сайловлар ҳарбий ҳолат бекор қилинганидан кейин юз кундан кечиктирмай ўтказилади.
