TOШКЕНТ, 22 июн — Sputnik. Киев билан музокаралар тўғри йўналишда кетмоқда, деди Россия тақши ишлар вазирлиги расмий вакили Мария Захарова Journale du Dimanche нашрига берган интервьюсида.
"Музокараларнинг икки раунди бўлиб ўтди, 16 май ва 2 июнь. Гуманитар соҳада аниқ келишувларга эришилди. Гап ҳарбий асирлар ва ҳибсга олинган фуқароларнинг сезиларли алмашинуви ҳақида бормоқда. Инқирозни бартараф этиш бўйича аниқ таклифларни ўз ичига олган меморандумлар алмашилди. Ўйлайманки, биз тўғри йўналишда кетмоқдамиз", — деди француз нашри суҳбатдоши.
Унинг сўзларига кўра, можаронинг чуқур сабабларини ҳал қилиш Россиянинг устувор вазифа ҳисобланади.
"Биз учун Киевнинг НАТО билан алоқасини узиш бўйича аниқ кафолатларга эга бўлиш, шунингдек, Украинада тили, миллати ёки динидан қатъи назар, асосий ҳуқуқ ва эркинликларга риоя этилишига эришиш муҳимдир", — дея аниқлик киритди Захарова.
Мария Захарова қуйидагиларни маълум қилди:
Москва ҳам сиёсий, ҳам ҳарбий воситалар билан мақсадларга эришишга тайёр;
мажбурий шарт — Қрим, Севастопол, ДХР, ЛХР, Херсон ва Запороже вилоятларининг Россия таркибига киришини халқаро миқёсда тан олиш;
Киевнинг конструктив мулоқотдан воз кечиши вазиятни янада мураккаблаштиради ва Украина учун камроқ қулай шароит яратади.
Киев ва Ғарб уни эксплуатация қилиб, уйдирмаларни тарқатмоқда;
Россия вояга етмаганларни жанговар ҳаракатлар зонасидан эвакуация қилиш орқали қутқармоқда.
Иккинчи июнь куни Истанбулда бўлиб ўтган музокаралар натижасида Украина можаро туфайли қийин аҳволга тушиб қолган ва ота-онаси билан алоқани йўқотган 339 нафар боланинг рўйхатини Россияга топширди. Захарованинг таъкидлашича, ҳужжат гўёки ўғирланган "ўн минглаб" болалар ҳақидаги фейкни тарқатишда уч йил давомида иштирок этганлар учун шок бўлган.