Украиналиклар ва Яқин Шарқдаги можаролар: Путин “Sky News Arabia”га интервью берди
16:39 21.06.2025 (янгиланди: 16:53 21.06.2025)
© Sputnik / Рамиль Ситдиков
/ Oбуна бўлиш
Путин украиналиклар нимага лойиқ экани ҳақида гапирди ва Яқин Шарқдаги можаролар истиқболини баҳолади.
ТОШКЕНТ, 21 июн — Sputnik. Россия президенти Владимир Путин “Sky News Arabia” телеканалига интервью берди. Путин украиналиклар нимага лойиқ экани ҳақида гапирди ва Яқин Шарқдаги можаролар истиқболини баҳолади.
Украина келажаги ҳақида
Киев тўртта янги минтақадаги референдум натижаларини тан олиши керак:
“Чунки биз демократия деб атайдиган нарса шу, шу нуқтаи назардан, Украина тўртта маълум минтақада ўтказилган референдумлар натижаларини тан олиши зарур ва буни амалга оширилган деб тан олиш керак, чунки буни бажармаслик қуролли можаронинг қайта бошланиши эҳтимоли борлигини билдиради”, - деди Путин.
Украина бетарафлигини эълон қилиши керак: ядровий қурол билан қуролланмаслик ва альянсларга қўшилмаслик.
Кўпгина украиналиклар Россия билан дўстликдан манфаатдор:
“Ишончим комилки, Украина халқининг аксарияти Россия билан дўстона муносабатларни сақлаб қолишдан манфаатдор. Бу масалаларнинг барчаси 2022 йилда Истанбулда муҳокама қилинган ва буни алоҳида таъкидлаб ўтишни хоҳлайман, 2022 йилда шартнома имзолаш арафасида тургандик”, - деди Путин.
Украина раҳбариятида нацист унсурлар бўлмаслиги керак.
Қўшни давлат ўзининг миллий манфаатларига амал қилиши керак:
“Учинчи томонлар можарога барҳам беришдан эмас, балки Украинадан ўз манфаатлари йўлида фойдаланишдан манфаатдор. Украина яхшироқ тақдирга лойиқ ва Россияга қарши ҳаракат қилаётган учинчи томонлар қўлида восита бўлмаслиги керак”, - деди Путин.
Эрон ядро дастури ҳақида
Теҳрон ядро қуролига эга бўлишни хоҳлагани ҳақида ҳеч қандай далил йўқ:
“Айтишим керакки, Россия, шунингдек, МАГАТЭ сингари, Эрон ядровий қуролга эга бўлишга тайёрланаётгани ҳақида ҳеч қандай далил йўқ”, - деди Путин.
Москва Тел-Авивни бу ҳақда бир неча бор хабардор қилган:
“Агар Исроилда қандайдир ташвишлар бўлса, уларни ҳал қилиш керак ва бу ташвишларни ҳал қилишнинг шакллари ва имкониятлари бор, менимча, юқорида айтганимдек”, - деди Путин.
Теҳрон ядро дастурининг айрим тафсилотларини муҳокама қилиш ва келишиб олиш керак.
