TOШКЕНТ, 22 июн — Sputnik. Ўзбекистон ташқи ишлар вазирлиги ўз фуқароларидан Исроил ва Эрондан имкон қадар хавфсиз ҳудудларга чиқиб кетишларини сўрайди, дейилади вазирлик эълон қилган хабарда.
Қайд этилишича, Яқин Шарқдаги вазиятнинг шиддат билан кескинлашаётгани бизда чуқур хавотир уйғотмоқда.
Ўзбекистон доимо минтақадаги барча томонларни ўзаро музокаралар орқали тинчлик йўлида ҳаракат қилишга чақириб келган.
“Шу муносабат билан, Ўзбекистон фуқароларидан Исроил ва Эронга сафар қилишдан тийилишни, ушбу мамлакатларда бўлган фуқароларимиздан эса имкон қадар хавфсиз ҳудудларга чиқиб кетишларини сўраймиз”, — дейилади хабарда.
Хавфсизликни таъминлаш мақсадида зарур чоралар кўрилмоқда, фуқаролардан ҳушёрликни сақлаш ва расмий эълонларни кузатиб бориш илтимос қилинган.