TOШКЕНТ, 19 май — Sputnik. Тошкент вилоятида тадбиркорлар ва ишбилармонларга кўмаклашувчи Банкирлар кенгаши ташкил этилди, дея хабар берди вилоят ҳокимлиги матбуот хизмати.
Қайд этилишича, ҳозирда республикада кўплаб халқаро молия ташкилотлари ва уларнинг ваколатхоналари фаолият олиб бормоқда. Тошкент вилоятида халқаро молия ташкилотлари иштирокидаги лойиҳалар сонини кўтариш мақсадида вилоят ҳокими раҳбарлигида Банкирлар кенгаши ташкил этилди.
Айтилишича, кенгашни ташкил этишда лойиҳаларни амалга оширишга кўмаклашиш, ишлаш тизимини мувофиқлаштириш ва мазкур йўналишда тажрибага эга бўлган мутахассисларнинг фикри инобатга олинган.
Кенгашнинг асосий вазифаси:
иқтисодиётнинг барча йўналишларида фаолиятини бошлаган тадбиркорлик субъектларига халқаро молия институтларининг маблағлари ва грантлари жалб этишда кўмаклашиш;
халқаро молия институтларининг маблағлари ва грантларини жалб этиш учун зарур ҳужжатларни тайёрлаш;
лойиҳаларни тўлақонли амалга ошгунга қадар қўллаб- қувватлашдан иборат.
“Биз сиз тадбиркор ва ишбилармонларни ҳамкорликка чақирамиз ва мазкур йўналишда сизга кўмакчи бўлганимиздан мамнунмиз”, — дейилган хабарда.
Мурожаат учун телефон рақами: +998990026459, 712328097.