ТОШКЕНТ, 6 май — Sputnik. Россиянинг "Марказ" гуруҳи ДХРдаги Лисовка аҳоли пунктини озод қилди. Бу ҳақда мамлакат Мудофаа вазирлиги хабар берди.
Қайд этилишича, “Марказ” кучлар гуруҳи бўлинмаларининг қатъий ҳаракатлари натижасида Донецк Халқ Республикасидаги Лисовка аҳоли пункти озод қилинди.
Бундан ташқари, Украина Қуролли кучларининг учта механизациялашган ва иккита ҳужум бригадаси, Донецк Халқ Республикасининг Муравка, Димитров, Миролюбовка, Зверево, Новосергеевка ва Алексеевка ҳудудларида пиёдалар бригадалари ва Миллий гвардия бригадалари мағлубиятга учратилди.
Душман 425 нафардан ортиқ аскари, бир танки, бешта зирҳли жанговар машинаси, 11 та техникаси ва учта дала артиллериясини, жумладан, Британияда ишлаб чиқарилган "155 мм Braveheart" ва Францияда ишлаб чиқарилган 155 мм "Caesar" ўзиюрар қуролини йўқотди.