ТОШКЕНТ, 12 апр – Sputnik. Саноат ва агросаноат мажмуи вазири Гоар Барсегян бошчилигидаги Евроосиё иқтисодий комиссияси (ЕИК) делегацияси Тверь вилоятидаги “Калит тизимлар ва компонентлар” компаниялар гуруҳи ишлаб чиқариш майдонлари ишлари билан танишди. Бу ҳақда ЕИК матбуот хизмати хабар берди.
Ушбу холдинг Россиянинг энг йирик темир йўл таркиби учун тизимлар ва бутловчи қисмлар ишлаб чиқарувчиларидан бири ҳисобланади.
Ташриф давомида “Москва - Санкт-Петербург” тезюрар темир йўл лойиҳасини амалга ошириш учун саноат кооперациясига молиявий ёрдам кўрсатиш механизми муҳокама қилинди.
“Биз молиявий ёрдам механизми холдинг томонидан ишлаб чиқариш қувватларини модернизация қилиш ва кенгайтириш, шунингдек, ЕОИИ мамлакатлари корхоналари билан янги ҳамкорлик занжирларини яратишда муваффақиятли қўлланилишини кутамиз. Нафақат “Калит тизимлар ва компонентлар” компаниялар гуруҳи, балки бутун Евроосиё саноати мавқеини мустаҳкамлайдиган янги ҳамкорлик занжирларини яратишимиз мумкин”, - деди Гоар Барсегян.
“Калит тизимлар ва компонентлар” компаниялар гуруҳи Россиянинг ўнта ҳудудидаги 20 дан ортиқ корхоналарни бирлаштиради, уларда 16 мингдан ортиқ киши ишлайди. Унинг буюртмачилари орасида Россия ва Европадан 200 дан ортиқ компаниялар бор.