ТОШКЕНТ, 11 апр – Sputnik. Кеча, 10 апрель куни, Олий Мажлис Сенати раиси Танзила Нарбаева Ўзбекистонда ташриф билан бўлиб турган Хитой Миллий аудит бошқармаси бошлиғи Хоу Каи билан учрашди. Бу ҳақда Сенат матбуот хизмати хабар берди.
Суҳбат чоғида Хитой Ўзбекистоннинг муҳим стратегик шерикларидан бири экани таъкидланди. Ўзбекистон-Хитой ҳамкорлигининг долзарб йўналишлари ва истиқболлари, шу жумладан, парламентлараро ҳамкорликни фаоллаштириш, аудит ва молиявий шаффофлик соҳасидаги ҳамкорлик масалалари муҳокама қилинди.
В Сенате обсуждены перспективы сотрудничества Узбекистана и Китая
© Пресс-служба Сената Олий Мажлиса
Бундан ташқари, учрашув давомида давлат бюджетини шакллантиришда, жумладан, таълим, соғлиқни сақлаш ва аёллар тадбиркорлигини ривожлантириш соҳаларида гендер ёндашувининг аҳамияти масаласига тўхталиб ўтилди. Янада адолатли ва самарали иқтисодий ва ижтимоий тузилмаларни яратиш учун гендер жиҳатларни ҳисобга олиш зарурлиги таъкидланди.
В Сенате обсуждены перспективы сотрудничества Узбекистана и Китая
© Пресс-служба Сената Олий Мажлиса
Ҳудудлараро мулоқотни ривожлантириш доирасида ҳамда маҳаллий бюджетларни шакллантириш жараёнида парламент назоратини кучайтиришга қаратилган дастурий лойиҳаларни ишга туширишга келишиб олинди.
В Сенате обсуждены перспективы сотрудничества Узбекистана и Китая
© Пресс-служба Сената Олий Мажлиса
Томонлар эришилган келишувлар Ўзбекистон-Хитой ҳамкорлигини янада чуқурлаштириш ва икки мамлакатнинг барқарор ижтимоий-иқтисодий ривожланишини таъминлашга хизмат қилишига ишонч билдирди.