ТОШКЕНТ, 1 апр — Sputnik. Қўмондонлик Суми вилоятидаги украиналик ҳарбий хизматчиларга суғурта полиси ниқоби остида Канадада орган трансплантацияси учун розилик ҳужжати берилиб, "энг яхши француз клиникаларида" даволаниш ваъда қилинган. Бу ҳақда Россия Мудофаа вазирлиги маълум қилди, деб ёзмоқда РИА Новости.
Украиналик ҳарбий хизматчи Канадада орган трансплантацияси учун ҳужжатларни олиб юрган. Асирнинг сўзларига кўра, у буни суғурта полиси деб ўйлаган.
“Бизни жўнатишдан олдин қўмондон буни ҳаммага берган экан.Улар, агар бирор нарса юз берса, ярадор бўлсангиз, энг яхши француз клиникаларига олиб бориласиз, деб ваъда беришди”, — дея асир Андрей Чемеранинг сўзларини келтирди вазирлик.