ТОШКЕНТ, 30 мар — Sputnik. Россия президенти Владимир Путин мусулмонларни Рамазон ҳайити билан табриклаб, уларнинг мамлакат ривожига қўшган ҳиссасини қайд этди. Тегишли табрикни Мусулмонлар марказий диний эълон қилди.
Президент Рамазон ҳайити одамларнинг меҳр-оқибат ва меҳр-мурувват истагини ифодалашини таъкидлади.
“Сизларни (Россия мусулмонларини – Таҳр.) Рамазон ҳайити билан чин қалбимдан табриклайман... Мусулмон ташкилотларининг мамлакат ижтимоий-маданий ҳаётини ривожлантириш, оммавий хайрия, маърифий, ватанпарварлик лойиҳалари ва ташаббусларини амалга оширишга қўшаётган улкан бунёдкорлик ҳиссаси энг самимий ҳурматга сазовор”, — дейилади табрик матнида.
Путин, шунингдек, россиялик мусулмонлар аждодларининг бой маънавий ва тарихий меросига эҳтиёткорона муносабатда бўлиши муҳимлигини таъкидлади. Унинг сўзларига кўра, улар ота боболарининг урф-одатлари, аҳд ва удумларини эъзозлайди, навқирон авлодни улар билан таништиради.
"Шунинг учун ҳам Рамазон ҳайити бутун мамлакат бўйлаб кенг нишонланади: диний жамоаларда ҳам, оила даврасида ҳам", — дейди Россия етакчиси.
Бундан ташқари, президент мусулмонлар томонидан махсус ҳарбий операция қатнашчилари ва фахрийларига, уларнинг оила аъзолари ва яқинларига кўрсатилаётган самарали ёрдамни алоҳида қайд этди. Шунингдек, Путин уларга сиҳат-саломатлик ва ишларида муваффақиятлар тилади.