“Қонун лойиҳасига кўра, ўн тўрт ёшга тўлмаган шахс билан жинсий алоқага киришиш, жинсий эҳтиёжини ғайритабиий усулда қондириш бола розилик берган ёки бермаганлигидан қатъи назар, зўрлик ишлатилган деб баҳоланиши назарда тутилмоқда. Қонун лойиҳаси билан ўн олти ёшга тўлмаган шахсга нисбатан уятсиз-бузуқ ҳаракатлар телекоммуникация тармоқларидан ёки интернет жаҳон ахборот тармоғидан фойдаланган ҳолда содир этилганлиги учун ҳам жавобгарлик белгиланмоқда”, — деб ёзади Олий Мажлис Қонунчилик палатаси спикери ўринбосари Раҳимжон Ҳакимов ўзининг telegram-каналида.
“Порнографик маҳсулотларини сақлаганлик учун 37,5 млн сўмдан 187 млн сўмгача ёки 15 суткага маъмурий қамоқ жазоси, шунингдек, шу ҳолатларни такроран содир этганлик, яни сақлаганлик учун 150 млн сўмдан 225 млн сўмгача жарима, 3 йилгача ахлоқ тузатиш ишлари, озодликдан чеклаш ёки озодликдан маҳрум этиш жазоларини қўллаш таклиф этилмоқда. Юқоридаги маҳсулотларни тарқатганлик учун 5 йилдан 7 йилгача озодликдан маҳрум этиш жазоси тайинлаш таклиф этиляпти”, — дея аниқлик киритди Абдуллаев.