ТОШКЕНТ, 5 фев — Sputnik. Владимир Зеленский британиялик журналист Пирс Морган билан суҳбатда Украина жангларда бой берилган ҳудудларни қайтариб ололмаслигини тан олди, деб ёзмоқда РИА Новости.
"Биз барча ҳудудларимизни қайтариб ололмаймиз. Биз адекват одамлармиз, юз бермаслиги мумкин бўлган натижа учун миллионлаб одамларни йўқота олмаймиз", — деди у.
Январь ойида Словакия бош вазири Роберт Фицо Украина можаро натижасида ўз ҳудудининг учдан бир қисмини йўқотишини ва хорижлик қўшинлар мавжудлигини қабул қилиши кераклигини айтган эди.
Унинг сўзларига кўра, келажакда Украина фуқаролари қуйидаги саволга жавоб беришлари керак: бу натижа можаро пайтида ҳалок бўлган одамларнинг ҳаётига арзийдими?
Зеленский, шунингдек, Украина ўз иттифоқчиларидан эскирган қуролларни олганини айтди. Унинг сўзларига кўра, Украина можароси туфайли Америка ҳарбий-саноат компаниялари “миллиардлаб доллар даромад” олди ва энг сўнгги қуролларни яратишга муваффақ бўлди.
Бундан ташқари, у можаро туфайли Ғарб компаниялари иш ўринлари сонини ошириб, солиқларни оширганини таъкидлади.