TOШКЕНТ, 10 янв — Sputnik. АҚШнинг сайланган президенти Дональд Трамп Россия президенти Владимир Путин у билан учрашиш истагини билдирганини ва томонлар бундай учрашувга ҳозирлик кўраётганини маълум қилди.
“У (Путин –таҳр.) учрашмоқчи, биз эса ташкиллаштиряпмиз”, - деди Трамп Флоридадаги қароргоҳида журналистларга.
Трамп Путин ва Хитой етакчиси Си Цзиньпин ўртасида уч томонлама учрашув ўтказиш имконияти ҳақидаги саволга, бу кейинроқ аниқланишини айтди.
Декабрь ойида Россия президенти матбуот анжумани ва тўғридан-тўғри мулоқот чоғида Трамп билан суҳбат ва учрашувга тайёр эканлигини айтганди. Агар бу содир бўлса, икки президентнинг гаплашадиган гаплари бўлишини таъкидлаганди.
Трампнинг ўзи аввалроқ Путиннинг музокараларга тайёрлигидан хабардор эканлигини, бироқ бундай алоқалар Оқ уйга расман қайтганидан кейингина мумкинлигини айтганди.
Россия президенти матбуот котиби Дмитрий Песков Путин ва Трамп ўртасида алоқалар бўйича аниқ режалар йўқлигини ва бу борада америкалик сиёсатчидан “импульслар” бўлмаганини айтди.