ТОШКЕНТ, 17 сен — Sputnik. Энди Ўзбекистонда халқаро даражадаги энергетик кадрлар тайёрланади, дея хабар берди "МИСИС" Фан ва технология университети.
Қайд этилишича, "МИСИС" Фан ва технология университетининг Олмалиқ филиали "Электр энергетикаси ва электротехника" таълим йўналиши бўйича лицензия олди.
“Энди филиал келажакда халқаро даражадаги энергетика ходимларини тайёрлайди! Абитуриентларни қабул қилиш кейинги 2025/2026 ўқув йилига режалаштирилган”, — дейилади хабарда.
Лицензияларни олиш жараёни талабалар шаҳарчасидаги шароитлардан тортиб, профессор-ўқитувчиларнинг тайёргарлик даражасини белгилашгача бўлган жараён бир йилдан ортиқ машаққатли меҳнатни талаб этди.
Теперь в Узбекистане будут готовить энергетиков мирового уровня
© Университет науки технологий "МИСИС"
"Ҳар бир жиҳат махсус комиссия томонидан ўрганилди. Филиал 2023 йил февраль ойида ҳужжатларни топширган бўлса, 2024 йил август ойига келибгина лицензия берилди", — дея аниқлик киритилган хабарда.
Шу билан бирга, икки давлат президентларининг қарори билан МИСиС Фан ва технологиялар университетининг Олмалиқ филиали негизида Илғор муҳандислик мактаби ташкил этилади. Мактабда ўқув жараёни таълим йўналиши бўйича магистратура дастурлари асосида амалга оширилади.
Бўлажак талабаларни қабул қилиш ҳам 2025/2026 ўқув йилидан бошлаб амалга оширилади.