TOШКЕНТ, 6 авг — Sputnik. Владимир Зеленский Москва билан музокаралар ўтказишдан доимий равишда бош тортишига қарамай, шу йилнинг ўзидаёқ Россия билан тинчлик ўрнатиш учун замин тайёрлаш кераклигини маълум қилди, деб ёзмоқда РИА Новости.
“Бизнинг доимий мақсадимиз – бу йил можарони адолатли тугатиш учун ҳақиқий база тайёрлаш”, — дейди у.
Аввалроқ Владимир Зеленский бутун дунё ва унинг ўзи Украинадаги вазиятни ҳал қилиш бўйича Россиянинг навбатдаги анжуманда иштирок этишини исташини тан олганди. Москва бир неча бор можарони тинч йўл билан ҳал қилишни таклиф қилган, бироқ Киев режими уларга қонунчилик даражасида тақиқ жорий қилган.
Июнь ойи ўрталарида давлат Россия етакчиси Украинадаги можарога тинч йўл билан барҳам бериш ташаббуси билан чиқди.
Унинг таъкидлашича, музокараларни бошлаш учун Киев режими ўз қўшинларини Россиянинг янги ҳудудлари – ДХР, ЛХР, Херсон ва Запорожье вилоятларининг бутун ҳудудидан олиб чиқиб кетиши керак. Президент бу шарт келишилганидан кейин жанговар ҳаракатлар дарҳол тўхтатилишини таъкидлади.
Бундан ташқари, Киев НАТОга қўшилиш режалари рад этилгани ҳақида расман маълум қилиши керак – Москва келишувга эришиш учун қўшни давлатнинг нейтрал, қўшилмаслик, ядро қуролидан холи мақомига муҳтож. Зеленский офиси Путиннинг таклифларини рад этиб, бу ташаббус гўёки Украинанинг ўз субъективлигидан воз кечишини назарда тутаётганини айтди.
Эслатиб ўтамиз, аввалроқ Владимир Зеленский Украинага қўшни давлатлар Москванинг эҳтимолий реакцияси туфайли Россия ракеталарини уриб туширишдан қўрқишини айтганди.