ТОШКЕНТ, 11 дек — Sputnik. Россия ҳарбийлари Золотая Нива ва Новодонецк яқинида Украина Қуролли кучларининг Жанубий Донецк йўналишида ротация амалга оширишга бўлган учта уринишнинг олдини олди. Бу ҳақда “Восток” гуруҳи матбуот маркази раҳбари Александр Гордеев РИА Новостига маълум қилди.
“Восток” қўшинлари гуруҳининг бўлинмалари Жанубий Донецк йўналишида жанговар топшириқларни бажаришда давом этмоқда. Фаол мудофаа вақтида Украина Қуролли кучларининг 58-мото-ўқчи бригадасининг Золотая Нива ва Новодонецк ҳудудларида уч марта ротация қилишга уринишлари артиллериядан ўққа тутилиб, тўхтатилди”, — деди у.
Бундан ташқари, артиллерия Украина Қуролли кучларининг Урожайний ҳудудидаги 58-мото-ўқчилар бригадасининг вақтинча жойлаштириш пунктларига ҳамда Новомихайловкадаги 79-ҳаво ҳужуми бригадасининг ишчи кучи ва техникасига зарба берди.
Ўз навбатида, оператив-тактик авиацияси Парасковиевка ҳудудидаги Украина позицияларига ҳужум қилди, дея қўшимча қилди офицер.
Мудофаа вазирлигининг хабар беришича, Жанубий Донецк йўналишида Украина Қуролли кучларининг йўқотишлари тахминан 80 киши ва тўртта техникани ташкил қилган.