ТОШКЕНТ, 05 ноя — Sputnik. Халқаро аэропортни Бобур кўчаси билан боғловчи кўприк вақтинча ёпилди, дея хабар берди пойтахт ҳокимлиги.
Халқаро аэропортни Бобур кўчаси билан боғловчи кўприк 4 ноябрь соат 19:00 дан 5 ноябрь соат 09:00 га қадар транспорт воситалари ҳаракати учун ёпилди.
Хабарда рейсларга кечикмаслик учун йўловчиларга айланма йўллардан фойдаланиш ва аэропортга одатдагидан олдинроқ жўнаб кетиш тавсия этилган.
Эслатиб ўтамиз, аввалроқ пойтахт аэропортига олиб борадиган йўллар ва йўл ўтказгичларида қурилиш ва таъмирлаш ишлари давом этаётгани муносабати билан "Uzbekistan Airways" авиакомпанияси Тошкент халқаро аэропортидан учиб кетадиган йўловчилардан кечикмасликни сўраган эди.