ТОШКЕНТ, 17 окт — Sputnik. Маҳаллаларда ёшлар билан ишлаш масалаларини мувофиқлаштириш бўйича Республика комиссияси Санкт-Петербургдаги қурилиш объектларида меҳнат қилаётган 900 нафар ўзбекистонлик билан учрашди.
Россияда меҳнат қилаётган ва таълим олаётган ўзбекистонликларнинг муаммоларини ўрганиш ҳамда уларга амалий ёрдам бериш ишлари давом этмоқда.
Республика комиссияси Санкт-Петербургдаги қурилиш объектларида меҳнат қилаётган 900 нафар ўзбекистонлик билан учрашди.
Улар билан ўтказилган мулоқот давомида таълим тўлов-контракти, уй-жой, Ўзбекистонда ишга жойлашиш, тадбиркорлик учун кредит, қайтиш учун авиачипта каби ёрдамлар бўйича 85 та масала кўриб чиқилди.
"Шундан 67 таси маҳаллий ҳокимликлар билан боғланилиб учрашув жойида ҳал этилди, қолган 18 таси эса “Йўл харита”га киритилди", — дейилади хабарда.
Қайд этилишича, Санкт-Петербург шаҳридаги кунлик меҳнатга жалб қилинадиган бозорда 800, 1000 нафар кунлик иш қидирувчиларнинг асосий қисмини ўзбекистонлик меҳнат муҳожирлари ташкил этиши кузатилди.
Республика комиссияси Санкт-Петербургдаги қурилиш объектларида меҳнат қилаётган 900 нафар ўзбекистонлик билан учрашди.
Шунингдек, 200 нафарга яқин кунлик ишчилар билан ўтказилган мулоқотларда 1 нафари уй-жой, 2 нафари ҳарбий хизмат, 9 нафари даволаниш, 13 нафари Ўзбекистонда муносиб иш ўрнига жойлашиш бўйича мурожаат қилди.
Ушбу кўтарилган масалалар юзасидан шу жойнинг ўзида масъуллар билан боғланилиб, ҳал этиш чоралари кўрилди.
Шундан сўнг энг кўп, 5 минг нафар ўзбекистонлик сотувчилар ва хизмат кўрсатувчи меҳнат муҳожирлари фаолият юритаётган “Салов бозори”га ташриф буюриб, 150 нафари билан суҳбатлашилди ва муаммолари ўрганилди.
Ишчи гуруҳ фуқароларнинг муаммоларини ўрганиб, уларга амалий ёрдам бериш ишларини давом эттирмоқда.
Эслатиб ўтамиз, Россияда ўзбекистонлик меҳнат мигрантларига кўмаклашиш учун комиссия иш бошлади. Комиссия 9-20 октябрь кунлари Россияда таҳсил олаётган ва меҳнат қилаётган ўзбекистонлик ёшлар билан очиқ мулоқотлар ўтказилиши режалаштирилган.