ТОШКЕНТ, 16 сен — Sputnik. Тошкент вилоятининг эко ва агротуризм салоҳиятини намоён этиш мақсадида 15-16-сентябрь кунлари Паркент туманида Узум ва виночилик халқаро фестивали ўтказилди.
Фестивалда республиканинг 12 та вилоятидан фермер хўжаликлари, экотуризм йўналишидаги тадбиркорлар ва турли хил табиий ичимликлар ишлаб чиқарувчи корхоналар иштирок этди. Ҳар бир ҳудуд ўз эко, агро, гастротуризм салоҳиятини намойиш этди.
Маълумот учун, республика бўйича 182,1 минг гектар (107 минг ҳосилли) токзорлар мавжуд. Шу йилнинг ўзида 2 миллион тонна узум етиштириш режалаштирилган. 2021-2023 йилларда 88,3 минг гектар, шундан 2023 йилда 14,4 минг гектар узумзорлар барпо этилди. Йил якунигача яна 28 минг гектар барпо этиш кўзда тутилган.