ТОШКЕНТ, 6 сен — Sputnik. Футбол бўйича 2024 йилги U-23 Осиё кубогининг саралаш босқичи доирасида Ўзбекистон ва Афғонистон жамоалари учрашуви Тошкентдаги "ЖАР" стадионида бўлиб ўтди.
Ўзбекистон жамоаси ўйинни катта устунлик билан ўтказди. Голлар ва уларнинг муаллифлари қуйида:
1.
Жасур Жалолиддинов, 12 дақиқа2.
Алибек Давронов, 35 дақиқа3.
Ҳусайн Норчаев, 46 дақиқа4.
Ҳусайн Норчаев, 51 дақиқа5.
Жасур Жалолиддинов, 53 дақиқа6.
Ҳусайн Норчаев, 86 дақиқа7.
Алишер Одилов, 87 дақиқа8.
Муҳаммадқодир Ҳамралиев, 90 дақиқаАфғонистон жамоаси томонидан урилган ягона голни Мосави исмли ҳужумчи 42 дақиқада киритди.
U23 Осиё кубоги доирасида Гонконг - Ўзбекистон ўйини 9 сентябрь куни, Ўзбекистон - Эрон ўйини эса 12 сентябрь кунлари бўлиб ўтади. Барча ўйинлар “ЖАР” стадионида ўтади.
Эслатиб ўтамиз, 2024 йил 15 апрель – 3 май кунлари Қатарда U-23 Осиё кубоги бўлиб ўтади. Саралаш босқичига қуръа ташлаш маросими 25 май куни Куала-Лумпурдаги ОФК қароргоҳида ўтказилади.
Маълумот учун, ушбу мусобақа Париж-2024 Олимпия ўйинлари учун лицензион турнир вазифасини ўтаб беради. Унда дастлабки 3 ўринни қўлга киритган жамоалар тўғридан-тўғри Олимпиада йўлланмасига эга бўлади. Тўртинчи ўрин эгаси қитъалараро плей-офф босқичи орқали курашни давом эттиради.