ТОШКЕНТ, 28 авг — Sputnik. Коллектив хавфсизлик шартномаси ташкилоти (КХШТ) штаби бошлиғи генерал-полковник Анатолий Сидоров ташкилот кенгайиши ва кузатувчилар рўйхати тўлдирилишини истисно қилмади.
“Биз Лотин Америкасидан, Африкадан ва бошқа қитъалардан ҳамкорлар ва кузатувчилар бўлса, қабул қилишга тайёрмиз. Биз сиз билан бир ҳафта олдин БРИКС таркиби қандай бўлишини аниқ айта олармидик? Шахсан мен айта олмасдим. Давлат раҳбарлари қарор қилишди ва БРИКС таркиби 6 та давлат билан кенгайди. КХШТ билан ҳам худди шундай бўлиши мумкин”, - деди Сидиров брифинг давомида.
Бундан ташқари, КХШТ штаби бошлиғи Африка мамлакатлари билан қўшма машғулотлар ўтказилиши мумкинлигини айтди.
Унинг сўзларига кўра, КХШТ кузатувчилари ва ҳамкорлари учун механизм мавжуд. У бу мақомда қабул қилинувчи мамлакатларга муайян ҳуқуқ ва айрим мажбуриятларни тақдим этади.
КХШТга ҳозир Арманистон, Беларусь, Қирғизистон, Қозоғистон, Тожикистон ва Россия аъзо.