ТОШКЕНТ, 8 июл — Sputnik. Ўзбекистондаги президент сайловида Шанхай Ҳамкорлик Ташкилоти (ШҲТ) кузатувчилари миссиясида 22 киши фаолият олиб боради. Бу ҳақда ШҲТ Минтақавий аксилтеррор тузилмаси (МАТТ) Ижроия қўмитасининг Тошкентдаги йиғилишида ташкилот бош котиби Чжан Мин маълум қилди, дея хабар берди Sputnik мухбири.
Улар орасида ташкилотга аъзо давлатлар, шунингдек, Котибият ва ШҲТ МАТТ вакиллари ҳам бор. Россия томонидан Давлат думасининг миллатлар бўйича қўмитаси раиси Геннадий Семигин, Федерация Кенгашининг аграр озиқ-овқат сиёсати ва атроф-муҳитни бошқариш бўйича қўмитаси аъзоси Александр Наролин ва Россия Федерацияси МСК аъзоси Павел Андреев иштирок этмоқда.
“Бизнинг мониторинг миссиямиз холислик, сиёсий бетарафлик, очиқлик, ошкоралик, давлатнинг ички ишларига аралашмаслик каби умумеътироф этилган тамойилларга асосланади”, — деди Чжан Мин.
Эслатиб зтамиз, Ўзбекистонда президент сайлови 9 июль кунига белгиланган. Ўзбекистон президенти сайловида республика бўйича жами 14 та сайлов округи ташкил этилиб, уларга 10784 та сайлов участкалари бириктирилган.