ТОШКЕНТ, 19 июн — Sputnik. Қурбон ҳайити муносабати билан кетма-кет 5 кун дам олиш куни бўлади. Бу ҳақда президент Шавкат Мирзиёевнинг тегишли қарорида белгиланган.
"Жорий йилда Қурбон ҳайитининг биринчи куни 28 июнь – чоршанба кунига тўғри келиши тўғрисида Ўзбекистон мусулмонлари идораси Уламолар кенгаши томонидан қабул қилинган қарорни инобатга олиб, юртимизда 2023 йил 28 июнь куни Қурбон ҳайити байрами сифатида кенг нишонлансин.
Аҳолининг Қурбон ҳайити байрамини муносиб савияда ўтказиши учун қулай шарт-шароит яратиш мақсадида Ўзбекистон Республикаси Президентининг 2022 йил 23 декабрдаги “2023 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги ПФ-270-сон Фармони билан иш ҳафтасининг туридан қатъи назар барча ходимлар учун 2023 йилнинг 29-30 июнь кунлари, олти кунлик иш ҳафтасида ишлайдиган ходимлар учун 1 июль куни қўшимча дам олиш куни сифатида белгилангани маълумот учун қабул қилинсин", - дейилган ҳужжатда.
Ўзбекистон асосий янгиликлари Telegram-каналимизда — Обуна бўлинг ва тезкор хабарларни биринчи бўлиб ўқинг.
Июнда дам олиш ва байрам кунлари
© Sputnik
Мавзуга доир: