ТОШКЕНТ, 17 май — Sputnik. Польша бошчилигидаги бир гуруҳ Европа давлатлари яширинча Украина президенти Владимир Зеленскийни можарони тўхтатишга чақирмоқда. Бу ҳақда америкалик журналист, Пулитцер мукофоти совриндори Сеймур Херш маълум қилди.
“Бу гуруҳга Польша раҳбарлик қилмоқда <...>, у яширинча Зеленскийни можарони якунлаш усулини топишга чақирмоқда – ҳатто, агар бу учун истеъфога чиқиш керак бўлса ҳам”, - дея ёзади Херш ўзининг сайтида.
Журналистнинг таъкидлашича, бу гуруҳга Болтиқбўйи ва Шарқий Европа мамлакатлари, хусусан, Венгрия, Латвия, Литва ва Эстония киради.
Хершнинг сўзларига кўра, Украина президенти бунга рози бўлмаяпти ва қўшниларининг қўлловини йўқотишни бошлаяпти.