ТОШКЕНТ, 24 апр — Sputnik. Татаристон раҳбари Рустам Минниханов Жиззах шаҳридаги технопарк очилишида қатнашди. Бу ҳақда унинг матбуот хизмати хабар берди.
Очилиш маросимида Жиззах вилояти ҳокими Эргаш Солиев, Россия саноат ва савдо вазири ўринбосари Алексей Беспрованних ҳам иштирок этган.
Қайд этилишича, янги технопарк хорижий компаниялар ишлаб чиқаришини Ўзбекистон ҳудудида маҳаллийлаштириш ва Ўзбекистон ва хорижий компаниялари ўртасидаги кооперацияни кучайтиришга мўлжалланган. Жиззахдаги майдон комплекс инфратузилмага эга. Резидентларга ижара ва сотиб олиш ҳуқуқи асосида ер участкаларига берилади. "Химград" ОА мутахассислари унинг режасини ишлаб чиқишган.
Бу ерга камида 36 та компания резидентларни жойлаштириш режалаштирилмоқда. 1100 та янги иш ўрни пайдо бўлади. Инвестиция ҳажми 60 миллион доллар бўлиши кутилмоқда.
“Биз дўстона Россия-Ўзбекистон муносабатлари доирасида Ўзбекистон билан ҳамкокорликни ривожлантириш имкониятини юқори баҳолаймиз. Бунда давлатларимиз президентлари Владимир Владимирович Путин ва Шавкат Миромонович Мирзиёевнинг хизматлари беқиёс”, - деди Минниханов тадбирда.
У бир йил олдин Тошкент вилоятида биринчи қўшма “Чирчиқ” технопарки ишга туширилганини эслатди. Ҳозир унда инвестиция ҳажми 127 миллион доллар бўлган 20 та инвестицион лойиҳалар амалга оширилмоқда. Ишлаб чиқарилган маҳсулотлар Қозоғистон ва Тожикистонга экспорт қилинмоқда.
Жиззахдаги технопарк лойиҳаси Рустам Миннихановнинг ўтган йили республикага уюштирган сафари якунларига кўра амалга оширилган. Ўзбекистон президенти Шавкат Мирзиёев билан учрашувда иккинчи қўшма технопаркни ташкил этишга келишиб олинган эди.