ТОШКЕНТ, 5 ноя - Sputnik. Тошкентда 4-5 ноябрь кунлари кузатилган чанг ва қум бўрони - бу ерда сўнгги 150 йил давомида олиб борилган об-ҳаво кузатувлари тарихида қайд этилмаган, деб хабар қилди "Ўзгидромет" матбуот хизмати.
Хабарда айтилишига кўра, 4 ноябрь куни, Россиянинг Урал тоғлари ва Волгабўйида шаклланган совуқ ҳаво оқимлари Жанубий Қозоғистон чўл ҳудудларидан ернинг устки қатламини ҳавога кўтариб чанг булутлари ҳосил қилган.
Ушбу чанг булутлари кучли шамол билан биргаликда Ўзбекистоннинг Сирдарё ва Тошкент вилоятлари ҳудудларига 4 ноябрь куни кун кечида кириб келган.
"Ўзгидромет"нинг Тошкент шаҳрида жойлашган ҳаво сифатини текширувчи автоматик кузатув постлари соат 18:21да ҳаводаги чанг миқдори рухсат этилган меъёрдан 5 барабарга, соат 21:00 ва 23:00 орасида 30 баробаргача кўтарилиши қайд этилди.
Соат 23:00 дан бошлаб ҳаво таркибидаги чанг миқдори пасайиши кузатилган ва ҳозирга қадар чанг миқдори рухсат этилган меъёридан 10 баробар юқори даражада сақланиб қолмоқда.
Ўзгидромет прогнозига кўра, яқин кунлар ичида (айрим хулосаларга кўра 12 ноябрга қадар) Тошкент ҳудудида ёғингарчилик кутилмаётгани боис, ҳавода юқори чанг миқдори юқори даражада сақланиб қолиниши кутилмоқда.
Пыльная буря в Узбекистане
© Sputnik