ТОШКЕНТ, 12 окт — Sputnik. Россияда мигрантлар орасида янги тренд кузатилмоқда, мамлакатга нафақат эркаклар, балки аёлларнинг ҳам келиши кўпайди. Бу ҳақда URA.RU нашри "Миграциянинг аёл чеҳраси" халқаро конференцияси эълон қилинган маълумотга асосан.
Россия Федерацияси ҳудудига асосан Марказий Осиё давлатларидан аёллар келмоқда.
"Қирғизистондан Россия Федерациясига келганларнинг 50 фоизини аёллар ташкил қилмоқда. Тожик ёки туркман аёлларининг улуши эса бу мамлакатлардан келган мигрантларнинг камида 10 фоизини ташкил қилади", - дейилган хабарда.
Бу соҳадаги мутахассислар янги тренднинг сабабини тушунтиришди.
Агар илгари мигрант аёллар Россияга оила аъзолари сифатида келган ва деярли ишламаган бўлса, бу йил уларнинг меҳнат миграциясида фаол иштирок этиш тенденцияси кузатилмоқда.
Асосан мигрант-аёллар сотувчи, фаррош ва кўча супурувчи сифатида ишга жойлашади.
Бундан ташқари, улар жисмоний куч талаб қилинмайдиган соҳаларда эркаклар ўрнини босмоқда. Масалан, курьерлик ёки саноат корхоналарда муваффақиятли меҳнат қилмоқда.
Эслатиб ўтамиз, "Мисс Россия мигрантлар федерацияси" гўзаллик танлови бўлиб ўтди.
Финал босқичида Россия, Қирғизистон, Тожикистон, Туркманистон ва Ўзбекистондан жами 10 нафар қиз қатнашди.
Биринчи ўринни ўзбекистонлик Рушана Каримова эгаллади.