ТОШКЕНТ, 27 сен — Sputnik. Интернет тармоғида “Гвардейский ГАИдаги ҳолат” сарлавҳали видео тарқамоқда. Видеода Тошкент шаҳар ИИББ ЙҲХБ туманлараро имтиҳон бўлинмаларидан бирида ҳосил бўлган навбат акс этган.
Тошкент шаҳар ИИББ матбуот хизмати мазкур факт бўйича қуйидагиларни маълум қилди.
“Ўзбекистон Республикаси Президентининг 05.10.2020 йилдаги 6079-сон ПФ “Рақамли Ўзбекистон — 2030” стратегиясини тасдиқлаш ва уни самарали амалга ошириш чора - тадбирлари тўғрисида”ги Фармони, ҳамда Ўзбекистон Республикаси Вазирлар Маҳкамасининг 08.07.2021 йилдаги 431-сон “Маъмурий ҳуқуқбузарликлар тўғрисидаги ишларни юритишнинг электрон тизимини жорий этиш бўйича қўшимча чора-тадбирлар ҳақида"ги Қарорига кўра юртимизда рақамли иқтисодиётни ҳар томонлама ривожлантириш, замонавий ахборот-коммуникация технологияларни жорий қилиш бўйича чоралар кўрилмоқда. Шу жумладан, 2021-йилнинг 14-сентябр куни маъмурий амалиёт тизимлари ва транспорт воситаларини рўйхатдан ўтказиш тартиби устидан ишлар ўтказилди. Ишлар якунланмагани сабабли 17-сентябрдан 19-сентябрга қадар, ҳамда 24-сентябр ва 25-сентябр кунлари тизимнинг Ўзбекистон Республикаси ИИВ МваФРББ (Миграция ва фуқароликни расмийлаштириш бош бошқармаси) ахборот базалари билан алмашиш сервери фаолиятида узилишлар кузатилди.
Етказилган ноқулайликлар учун узр сўраймиз”, - дейилган ИИББ баёнотида.