ТОШКЕНТ, 24 авг – Sputnik. АҚШ Марказий разведка бошқармаси (Central Intelligence Agency, CIA) директори Уильям Бернс “Толибон”* ҳаракати сиёсий етакчиларидан бири Абдул Ғани Бародар билан яширинча учрашди. Бу ҳақда “The Washington Post” Америка маъмуриятидаги манбаларига таянган ҳолда хабар бермоқда.
Таъкидланишича, учрашув 23 август куни Кобулда бўлиб ўтган. Бу толиблар Афғонистонни эгаллаб олгандан кейин АҚШ ва улар ўртасидаги бундай даражадаги биринчи музокаралар экани айтилмоқда.
Нашрнинг ёзишича, АҚШ президенти Жо Байден Бернсни Кобулга у ерда авакуация ишларини ўтказиш муносабати билан юборган. Тахмин қилинишича, учрашувда томонлар 31 куни якунланиши керак бўлган Кобулдаги НАТО мамлакатларининг эвакуация муддатини узайтириш масаласига тўхталишган.
МРБ бу хабар юзасидан изоҳ беришдан бош тортган.
Бародар толибларнинг биринчи ҳукуматида мудофа вазирининг ўринбосари лавозимини эгаллаган эди. 2010 йилда у МРБ ва Покистон махсус хизматларининг қўшма операцияси натижасида ҳибсга олинган. Кейинги саккиз йилни қамоқда ўтганган. 2018 йилда уни озод қилишди, бу Вашингтон ва толиблар ўртасидаги сиёсий келишувларнинг биринчи қадами бўлди. 2020 йилда Бародар Қатарда АҚШ билан битим имзолади, у Америка қўшинларини Афғонистон олиб чиқиб кетишни назарда тутарди.
* Россия ва қатор мамлакатларда тақиқланган террорчилик ташкилоти