ТОШКЕНТ, 28 апр — Sputnik. Россия ФХХ Смоленск вилояти бўйича чегара бошқармаси ходимлари Краснинский тумани Лонница қишлоғи яқинида давлат чегарасини пиёда кесиб ўтмоқчи бўлган Марказий осиёлик мигрантларни қўлга олди.
Жами 22 киши қўлга олинди. Номаълум шахс мигрантларни Беларусь ҳудудидан Днепр дарёси орқали қайиқда олиб ўтгани аниқланди. Улар Москва вилоятига боришни режалаштиришган эди.
Шунингдек, Монастиршинский туманининг Дубровка қишлоғи ҳудудида чегарачилар Беларусь ҳудудидан келаётган 2та микроавтобус тўхтатилди. Микроавтобусда 15 нафар чет эл фуқароси ва бир нафар фуқаролиги бўлмаган шахс бўлган. Текширув давомида фуқаролиги бўлмаган шахсда Россияга кириш учун тақиқ қўйилгани аниқланди.
ФХХ Смоленск вилоятидаги чегара бошқармаси матбуот хизматининг хабар беришича, ўтган ҳафта дам олиш кунлари давомида чегара бошқармаси ходимлари ҳуқуқни муҳофаза қилиш идоралари билан ҳамкорликда чегара режимини бузган 180 нафардан зиёд фуқаро қўлга олинди. Фуқаролар маъмурий жавобгарликка тортилиб, қўшни давлат ҳудудига қайтарилган.