ТОШКЕНТ, 27 авг - Sputnik. Кундузги мунтазам ва узоқ уйку ўлим хавфини 19 фоизга ошириши мумкин. Бундай хулосага Хитойнинг Гуанчжоу тиббиёт университети олимлари келишди, тегишли тадқиқотни MedicalXpress чоп этди.
Мутахассислар 313 651 киши ҳақидаги маълумотларни ўрганиб чиқди, уларнинг 39 фоизи кун давомида ухлашни одат қилишган, шунингдек 20 дан ортиқ илмий мақолалар маълумотларини умумлаштирдилар. Тадқиқотлар шуни кўрсатдики, кун давомида мунтазам равишда бир соатдан ошиқ ухлайдиган одамларда юрак-қон томир касалликлари хавфи 34 фоизга ва барча сабабларга кўра ўлим хавфи 30 фоизга ошган.
Таъкидланишича, хавф одатда кунига олти соатдан кўпроқ вақт эгаллаган кундузги уйқудадир. Бироқ, олимларнинг фикрига кўра, ҳар қандай давомийликдаги кундузги уйку ўлим хавфини 19% га оширади. Шу билан бирга, аёлларда ва кекса одамларда уйқу ва ўлим хавфи ўртасидаги нисбат янада яққолроқ бўлиб мос равишда 22 ва 17 фоизни ташкил этади.
Аввалроқ Sputnik радиоси уйқу бўйича шифокор (сомнолог-таҳр.) дам олиш кунлари ухлаб олишнинг энг яхши усули ҳақида гапириб берганини маълум қилган эди.