Икромов: синфда болаларнинг 20 фоизи касалланса, карантин эълон қилинади

© Sputnik / Павел Лисицын / Медиабанкка ўтишШкола
Школа - Sputnik Ўзбекистон, 1920, 22.11.2026
Oбуна бўлиш
Мактаб синфлари ва боғча гуруҳларида болаларнинг камида 20 фоизи юқумли касалликка чалинса, карантин жорий этилади.
ТОШКЕНТ, 22 ноя — Sputnik. Ўзбекистонда мактаб синфи ёки боғча гуруҳидаги болаларнинг 20 фоизи ёки ундан кўпи юқумли касалликка чалинса, карантин эълон қилиниб, онлайн таълимга ўтилади. Бу ҳақда Санитария-эпидемиологик осойишталик ва жамоат саломатлиги қўмитаси бошқарма бошлиғи Рустамжон Икромов матбуот анжуманида маълум қилди.
Унинг таъкидлашича, мазкур тартиб Соғлиқни сақлаш вазирлиги томонидан тасдиқланган тегишли буйруқларда белгиланган.
Куз-қиш мавсумида грипп ва ўткир респиратор вирусли инфекциялар тарқалиш хавфи ортади. Шу боис таълим муассасаларида болалар ва ходимларнинг саломатлиги мунтазам назорат қилинади.
Касаллик белгилари кузатилган болалар вақтинча жамоадан ажратилади. Хоналарни шамоллатиш, нам тозалаш ва санитария-гигиена тадбирлари кучайтирилади.
Қўмита ота-оналарни юқумли касаллик аломатлари бор болаларни мактаб ва боғчаларга юбормасликка чақирди.
Коронавирус - Sputnik Ўзбекистон, 1920, 14.05.2026
Хантавирус янги пандемияга сабаб бўладими? Олимлар изоҳи
Янгиликлар лентаси
0