ЕОИИда юк ташиш ва божхона назорати қоидаларини ўзгартириш режалаштирилмоқда
ЕОИИда юк ташиш ва божхона назорати қоидаларини ўзгартириш режалаштирилмоқда
Sputnik Ўзбекистон
ЕОИИда Божхона кодексига икки тўплам ўзгартириш тайёрланди. Улар юк ташишни соддалаштириш, сохта транзитга қарши курашиш ва экспортчилар учун электрон расмийлаштиришни кенгайтиришга қаратилган.
ТОШКЕНТ, 22 ноя — Sputnik. Евроосиё иқтисодий иттифоқида (ЕОИИ) юк ташиш, божхона назорати ва экспортчилар фаолиятини соддалаштиришга қаратилган ўзгаришлар тайёрланмоқда. Бу ҳақда Евроосиё иқтисодий комиссияси хабар берди.ЕИКнинг божхона ҳамкорлиги бўйича вазири Сергей Шкляевнинг маълум қилишича, 2026 йилда ЕОИИ Божхона кодексига киритиладиган икки тўплам ўзгартиришлар тайёрланган.Биринчи тўплам Божхона кодексининг барча бўлимларини қамраб олади. Унда:Сохта транзит деганда товарларни бошқа мамлакатга олиб ўтилаётгандек расмийлаштириб, амалда божхона талабларини четлаб ўтишга қаратилган схемалар тушунилади.ЕИК маълумотига кўра, биринчи тўплам ҳозирда давлатлар ички келишув жараёнларидан ўтмоқда. Уни декабрь ойида Олий Евроосиё иқтисодий кенгаши йиғилишида имзолаш режалаштирилган.Экспортчилар учун қандай енгилликлар кутилмоқда?Иккинчи тўплам ўзгаришлар ташқи савдо билан шуғулланувчи корхоналар ва божхона органлари фаолиятига тааллуқли.Шунингдек, қуйидаги имкониятлар назарда тутилган:ЕИК ушбу чоралар орқали юкларни расмийлаштириш жараёнларини соддалаштириш ва ортиқча операцияларни қисқартиришни мақсад қилган.Эслатиб ўтамиз, Ўзбекистон ЕОИИда кузатувчи давлат мақомига эга. Республика Иттифоқ билан божхона ахборотини алмашиш ва транзит жараёнларини соддалаштириш бўйича ҳамкорлик қилмоқда.
ЕОИИда божхона қоидаларини ўзгартириш бўйича икки ҳужжат тайёрланди. Улардан бирини эса декабрда имзолаш режалаштирилган.
ТОШКЕНТ, 22 ноя — Sputnik. Евроосиё иқтисодий иттифоқида (ЕОИИ) юк ташиш, божхона назорати ва экспортчилар фаолиятини соддалаштиришга қаратилган ўзгаришлар тайёрланмоқда. Бу ҳақда Евроосиё иқтисодий комиссияси хабар берди.
ЕИКнинг божхона ҳамкорлиги бўйича вазири Сергей Шкляевнинг маълум қилишича, 2026 йилда ЕОИИ Божхона кодексига киритиладиган икки тўплам ўзгартиришлар тайёрланган.
Биринчи тўплам Божхона кодексининг барча бўлимларини қамраб олади. Унда:
юк автомобиллари ва тиркамаларни темир йўл орқали ташиш қоидаларини такомиллаштириш;
бир мамлакат ичида бошқа давлат ташувчиси томонидан юк ташиш тартибини аниқлаштириш;
сохта транзит схемаларига қарши курашиш назарда тутилган.
Сохта транзит деганда товарларни бошқа мамлакатга олиб ўтилаётгандек расмийлаштириб, амалда божхона талабларини четлаб ўтишга қаратилган схемалар тушунилади.
ЕИК маълумотига кўра, биринчи тўплам ҳозирда давлатлар ички келишув жараёнларидан ўтмоқда. Уни декабрь ойида Олий Евроосиё иқтисодий кенгаши йиғилишида имзолаш режалаштирилган.
Экспортчилар учун қандай енгилликлар кутилмоқда?
Иккинчи тўплам ўзгаришлар ташқи савдо билан шуғулланувчи корхоналар ва божхона органлари фаолиятига тааллуқли.
Хусусан, ишончли экспортчилар учун алоҳида мақом жорий этиш таклиф қилинмоқда. Бу ҳалол фаолият юритувчи компанияларнинг маъмурий юкини камайтиришга хизмат қилиши кутилмоқда.
Шунингдек, қуйидаги имкониятлар назарда тутилган:
товарлар ҳақидаги дастлабки маълумотларни электрон шаклда тақдим этишга устуворлик бериш;
божхона омборларида ҳам маркировкалаш ишларини амалга ошириш.
ЕИК ушбу чоралар орқали юкларни расмийлаштириш жараёнларини соддалаштириш ва ортиқча операцияларни қисқартиришни мақсад қилган.
Эслатиб ўтамиз, Ўзбекистон ЕОИИда кузатувчи давлат мақомига эга. Республика Иттифоқ билан божхона ахборотини алмашиш ва транзит жараёнларини соддалаштириш бўйича ҳамкорлик қилмоқда.
ЕОИИ
Евроосиё иқтисодий иттифоқи (ЕОИИ) - 2015 йил 1 январдан фаолият юритиб келаётган халқаро иқтисодий бирлашма. Иттифоққа ҳозир Россия, Арманистон, Беларусь, Қозоғистон ва Қирғизистон аъзодир. Ўзбекистон 2020 йилда ЕОИИда кузатувчи мақомини олди. Куба, Эрон ҳам кузатувчи мақомига эга.