MyGov’да муддатидан олдин пенсияга чиқиш учун онлайн хизмат ишга тушди

© Sputnik / Сгенерировано ИИВ MyGov запущен онлайн-сервис для оформления досрочного выхода на пенсию в 53 и 58 лет
В MyGov запущен онлайн-сервис для оформления досрочного выхода на пенсию в 53 и 58 лет - Sputnik Ўзбекистон, 1920, 19.11.2026
Oбуна бўлиш
Ўзбекистонда корхона тугатилгани ёки штат қисқаргани сабабли ишдан бўшатилган фуқаролар учун пенсияга икки йил олдин чиқиш бўйича янги онлайн хизмат ишга тушди.
ТОШКЕНТ, 19 ноя — Sputnik. Ўзбекистонда айрим фуқароларнинг муддатидан олдин пенсияга чиқиши учун янги онлайн хизмат ишга туширилди. Энди тегишли тақдимномани расмийлаштириш учун my.gov.uz портали орқали бепул ариза бериш мумкин.
Хизмат корхона ёки якка тартибдаги тадбиркор фаолияти тугатилгани, шунингдек, ходимлар сони ёки штати қисқаргани сабабли ишдан бўшатилган фуқароларга мўлжалланган.
Кимлар икки йил олдин пенсияга чиқиши мумкин?
Эркаклар — 58 ёшдан бошлаб, камида 25 йиллик меҳнат стажи бўлса;
Аёллар — 53 ёшдан бошлаб, камида 20 йиллик меҳнат стажи бўлса.
Бироқ бунинг учун фуқаро белгиланган тартибда ишсиз деб эътироф этилиши ҳам зарур.
Пенсия қандай расмийлаштирилади?
Ариза берилгандан сўнг икки иш куни ичида ҳужжатлар текширилади. Иш қидирувчи сифатида рўйхатга олинган фуқаро 10 кун ичида бандлик бўлимига бориб, ўзига мос иш таклифини олиши керак.
Агар меҳнат шартномаси бекор қилинган кундан бошлаб уч ой давомида мақбул иш топиб берилмаса, фуқаро ишсиз деб эътироф этилади.
Шундан сўнг муддатидан олдин пенсия тайинлаш учун тақдимнома расмийлаштирилиб, Пенсия жамғармасига электрон шаклда юборилади.
Аризага меҳнат шартномасини бекор қилиш тўғрисидаги буйруқ нусхаси, меҳнат стажи тўлиқ рақамлаштирилмаган бўлса, меҳнат дафтарчаси нусхаси илова қилинади.
Хизмат бепул кўрсатилади, аризани электрон рақамли имзосиз ҳам юбориш мумкин.
Национальная валюта Узбекистана — сум - Sputnik Ўзбекистон, 1920, 01.10.2026
Айрим ишдан бўшатилган ходимларга муддатидан олдин пенсия тайинланади
Янгиликлар лентаси
0