Россия Ўзбекистоннинг бешта ҳудудида картошканинг янги навларини синашни таклиф қилди

© SputnikКруглый стол "Диалог по селекции и семеноводству" в Ташкенте
Круглый стол Диалог по селекции и семеноводству в Ташкенте - Sputnik Ўзбекистон, 1920, 18.11.2026
Oбуна бўлиш
Россиялик селекционерлар Ўзбекистон иқлимига мос янги картошка навларини синаш ва уруғчилик соҳасида ҳамкорлик қилишга тайёр.
ТОШКЕНТ, 18 ноя — Sputnik. Россиянинг Лорх номидаги картошкачилик федерал тадқиқот маркази Ўзбекистоннинг бешта ҳудудида картошканинг янги навларини синовдан ўтказишни таклиф қилди. Бу ҳақда Тошкентда ўтаётган "Селекция ва уруғчилик бўйича мулоқот" давра суҳбатида маълум қилинди, деб хабар бермоқда Sputnik Ўзбекистон мухбири.
"Биз айнан сизнинг иқлимингиз нуқтаи назаридан қизиқарли бўлган янги истиқболли навларимизни биргаликда синовдан ўтказиш учун тақдим этишга тайёрмиз", — деди марказнинг етакчи селекционери Алексей Митюшкин.
Унинг таъкидлашича, Россия томони қўшма селекция ишларини олиб бориш, генетик материаллар ва уруғчилик соҳасида тажриба алмашишдан ҳам манфаатдор.
Шунингдек, тадбирда Россия нав синаш давлат комиссияси Ўзбекистон қишлоқ хўжалиги экинлари навларини синаш марказига буғдой ва картошканинг янги навлари бўйича услубий қўлланмаларни тақдим этди.
"Буни ҳамкорликка қўшилган биринчи ҳисса деб ҳисоблаймиз", — деди Россия нав синаш давлат комиссияси раиси Дмитрий Батусов нашрларни топшириш чоғида.
У Россия томони навларни синовдан ўтказиш ва мутахассислар тайёрлаш соҳаларида ҳам ўзбекистонлик ҳамкасблари билан тажриба алмашишга тайёрлигини билдирди.
Мазкур таклифлар Россия "Агроэкспорт" маркази томонидан Тошкентда ташкил этилган ишбилармонлик миссияси доирасида муҳокама қилинди.
XIII Форум-выставка Госзаказ – за честные закупки - Sputnik Ўзбекистон, 1920, 18.11.2026
Россиядан Ўзбекистонга агромаҳсулотлар экспорти 1,6 баробарга ошди
Янгиликлар лентаси
0