Нетаньяху Исроил парламенти устидан назоратни йўқотди

© AP Photo / Ohad ZwigenbergНетаньяху потерял контроль над парламентом Израиля: председателем избран Матан Кахана
Нетаньяху потерял контроль над парламентом Израиля: председателем избран Матан Кахана - Sputnik Ўзбекистон, 1920, 18.11.2026
Oбуна бўлиш
Мухолифат ва араб партиялари қўллаб-қувватлаган Метан Кахана Кнессет раиси этиб сайланди. У 120 нафар депутатдан 66 нафарининг овозини олди.
ТОШКЕНТ, 18 ноя — Sputnik. Исроил бош вазири Биньямин Нетаньяхунинг сиёсий рақиблари мамлакат парламенти — Кнессет раҳбарияти устидан назоратни қўлга олди. Мухолифатдаги "Яшар" партияси вакили Метан Кахана парламент раиси этиб сайланди, деб хабар бермоқда РИА Новости.
120 нафар депутатдан иборат Кнессетда Кахана номзодини 66 нафар парламентарий қўллаб-қувватлади. Нетаньяхунинг "Ликуд" партиясидан кўрсатилган Офир Кац эса 52 та овоз олди.
Кахананинг сайланишида мухолифат билан бир қаторда араб партиялари депутатларининг овозлари ҳам ҳал қилувчи аҳамият касб этди.
Нетаньяхунинг қароргоҳида янги парламент раиси "Исроил душманлари кўмагида" сайлангани айтилди. Бу билан Каханани қўллаб-қувватлаган араб партиялари вакилларига ишора қилинди.
Исроилда сиёсий вазият
27 октябрда ўтказилган парламент сайловларида Нетаньяху блоки 53 та, Гади Айзенкот бошчилигидаги мухолифат эса 48 та ўринни қўлга киритган. Араб партиялари 19 та мандатга эга бўлган.
Сайловлардан сўнг Исроил президенти Ицхак Герцог Айзенкотга янги ҳукуматни шакллантириш ваколатини берди. Бунинг учун унга 28 кун ажратилган.
Ҳозирча Нетаньяху ҳукумат раҳбари лавозимида қолмоқда, бироқ Кнессет раҳбариятининг мухолифат қўлига ўтиши унинг парламентдаги таъсирини чеклайди.
Маълумот учун: Кнессет Исроилнинг олий қонун чиқарувчи органи бўлиб, қонунлар ва давлат бюджетини қабул қилади, ҳукумат фаолиятини назорат қилади ҳамда белгиланган тартибда унга ишончсизлик билдириши мумкин. Парламент раиси эса мажлисларни бошқаради, ўринбосарлари билан биргаликда кун тартибини белгилайди ва қонун лойиҳаларини кўриб чиқиш жараёнида муҳим роль ўйнайди. Шу боис бу лавозимнинг мухолифат қўлига ўтиши Нетаньяхунинг парламентдаги сиёсий имкониятларини чеклаши мумкин.
Беньямин Нетаньяху - Sputnik Ўзбекистон, 1920, 08.11.2026
Фаластинликларга зўравонликни танқид қилган Айзенкот Нетаньяху ўрнига келадими?
Янгиликлар лентаси
0