Саида Мирзиёева россиялик тадбиркорлар билан Бухоро туризмини муҳокама қилди

© Телеграм канал С.МирзиёевойСаида Мирзиёева встретилась с руководителями Aman Group и Capital Group
Саида Мирзиёева встретилась с руководителями Aman Group и Capital Group - Sputnik Ўзбекистон, 1920, 18.11.2026
Oбуна бўлиш
Россиялик тадбиркорлар Владислав Доронин ва Павел Тё билан учрашувда Бухоро туризмини ривожлантириш масалалари кўриб чиқилди.
ТОШКЕНТ, 18 ноя — Sputnik. Ўзбекистон президенти администрацияси раҳбари Саида Мирзиёева россиялик тадбиркорлар — "Aman Group" раиси Владислав Доронин ва "Capital Group" директорлар кенгаши раиси Павел Тё билан Бухорода туризмни ривожлантириш масалаларини муҳокама қилди. Бу ҳақда у ўзининг Telegram-каналида маълум қилди.
Учрашувда тарихий меросни асраб-авайлаган ҳолда Бухоронинг сайёҳлик салоҳиятини ошириш ва халқаро брендлар билан ҳамкорлик қилиш имкониятлари кўриб чиқилди.
"Биз тарихий меросга авайлаб ёндашадиган халқаро брендлар билан шерикликка очиқмиз. Бундай ташаббуслар мамлакатимиз сайёҳлик салоҳиятини янги босқичга олиб чиқиши шубҳасиз", — деб ёзди Мирзиёева.
Маълумот учун, "Capital Group" директорлар кенгаши раиси Павел Тё 1963 йилда Тошкентда туғилган.
Аввалроқ президент Шавкат Мирзиёев Бухорога хорижий сайёҳлар оқимини икки баравар ошириб, йилига 7 млн нафарга етказиш бўйича дастур ишлаб чиқишни топширган эди.
2026 йилда вилоятга 3,5 млн нафар хорижий сайёҳ келиши кутилмоқда. Туризмни ривожлантириш доирасида янги меҳмонхоналар, сайёҳлик марказлари ва замонавий инфратузилма объектларини барпо этиш режалаштирилган.
Жумладан, Бухорода "Hilton Garden Inn" ва "Holiday Inn" меҳмонхоналари қурилмоқда, Бухоро туманида эса 500 миллион долларлик сайёҳлик кластери ташкил этиш кўзда тутилган.
В Бухаре создается новый центр для международных мероприятий и туристов - Sputnik Ўзбекистон, 1920, 03.11.2026
Бухоро халқаро саммитларга тайёрланмоқда: 105 млн долларлик марказ ва янги меҳмонхоналар
Янгиликлар лентаси
0